Skip to main content

Arctic Indigenous Design Archives

Riikkaarkiivva (Sámearkiiva), Ájtte Svenskt fjäll- och samemuseum (Ruoŧŧa) ja Sámi allaskuvlla (Norga) oktasašprošeavtta Arctic Indigenous Design Archives (AIDA) dárkkuhussan lea sámi hábmendieđu seailluheapmi ja dan sirdin boahttevaš buolvvaide. Golmmajahkásaš Interreg-oktasašbargoprošeavttas bargo sámeduojáriiguin oktasašbargu hábmenproseassai gulavaš áššebábermateriálaid seailluheami várás. Sámearkiiva ja Ájtte-musea kártejit ja vurkejit sámeduojáriid materiálaid duojár-arkiivan. Arkiivvas eai deattuhuvvo dávvirat, muhto dárkkuhussan lea buktit ovdan áššebábermateriála, mii muitala duojára duddjomis, hábmenjurddašeamis sihke iežas hábmema márkanastinproseassas.

Prošeavttas vuođđuduvvon duojár-arkiivvat geavahuvvojit Sámi allaskuvlla duodjeoahpahusas. Sámi allaskuvlla oahppiide arkiivvat ja musea doibmet inspirašuvnna addi oahppanbirrasin, maid vehkiin oahpásmuvvo árbevirolaš duodjái, duojáriid historjái ja oahpahallo muitaleapmi iežas hábmenjurddašeamis digitálalaččat.

Prošeavtta olis ráhkaduvvo maiddái mánáide ja nuoraide heivvolaš digitálalaš hábmenbajásgeassinmateriála prošeavttas čoggon arkiivvaid vuođul. Ulbmilin lea gaskkustit dieđu sámeduojis ja duojáriin mánáide ja nuoraide ja seammá háve sihkkarastit árbevirolaš dieđu sirdáseami boahttevaš buolvvaide.

Prošeavtta áigeguovdilis fáttáin sáhttá lohkat AIDA-bloggas.

Prošeavtta ruhtadit EU Interreg Nord V/Sápmi -prográmma, Lappi lihttu, Norgga sámediggi, Nordlands fylkeskommune, Troms fylkeskommune, Statens Kulturråd Ruoŧŧa sihke Suopmelaš-ruoŧŧelaš kulturfoanda.

Lassidieđut:

  • bajit dárkkisteaddji (Sámearkiiva) Inker-Anni Linkola, etunimi.sukunimi@arkisto.fi, 029 533 7042
  • dutkanhoavda (Riikkaarkiiva) Päivi Happonen, etunimi.sukunimi@arkisto.fi, 029 533 7018
  • prošeaktahoavda/arkiivadikšu (Ájtte Svenskt Fjäll- och samemuseum) Ulf Stefan Winka, info@ajtte.com +46 971 170 70
  • dekána (Sámi allaskuvla) Seija Somby etunimi.sukunimi@samiskhs.no, +47 784 484 54