Skip to main content

Ná geavahat min materiálaid

Sáhtát geavahit Riikkaarkiivvas seailluhuvvon áššebáhpáriid dieđalaš dutkamuššii, friijahápmásaš dutkamuššii dahje eará du háliidan dárkkuhussii dutkiidsáles. Digitaliserejuvvon almmolaš áššebáhpáriid sáhtát dutkat maiddái neahtas. Bálvalus lea nuvttá.

Doaimma ná

  • Diŋgo du háliidan áššebáhpáriid ovddalgihtii ruoktodihtoris Astia-neahttabálvalusas dahje báikki alde dutkiidsáles.
  • Sáhtát geavahit almmolaš digitaliserejuvvon áššebáhpáriid ruoktodihtoris Astia-neahttabálvalusas.
  • Du diŋgon áššebáhpáriid sáhttá maiddái doaimmahit dutnje dutkiidsálii.
  • Áššebáhpáriid gáiddusluoikkaheapmi du lahka leahkki Riikkaarkiivva doaibmabáikái lea mávssuvuloš.

Oktavuođadieđuid ja dutkiidsáliid rabasdoallanáiggiid sihke áššebáhpáriid doaimmahanáiggiid gávnnat min ruoktosiidduin.

Materiála geavaheami ráddjehusain

Stuorámus oassi Riikkaarkiivvas seailluhuvvon áššebáhpáriin leat almmolaččat. Oassái áššebáhpáriin laktásit goittotge almmolašvuođa- dahje heaggadiehtolágas dárkkuhuvvon geavahanráddjehusat ja daid geavaheapmi eaktuda geavahanlobi ohcama. Maiddái priváhtaarkiivvat sáhttet leat geavaheami dáfus ráddjejuvvon, juogo luohpadansoahpamuša dahje láhkaásaheami vuođul.

  • Geavaheami dahje čájeheami dáfus ráddjejuvvon digitaliserejuvvon áššebáhpáriid sáhtát geavahit Riikkaarkiivva siskkáldas neahtas dutkiidsáliin.
  • Digitaliserejuvvon dahje mikrofilbmejuvvon áššebáhpárat eai dábálaččat addo geavahussii analogalažžan.
  • Muhtin áššebáhpáriid heajos ortnet sáhttá ráddjet daid geavaheami.

Astia-neahttabálvalusas sáhtát ohcat geavahanlobi geavaheami dáfus ráddjejuvvon materiálai sihke dahkat mávssuvuloš diehtobivdda- ja kopiijadiŋgojumiid. Dat eaktuda registrerema bálvalusa geavaheaddjin.

Áššebáhpáriid eará go iežas doaimmas dáhpáhuvvan kopieren lea mávssuvuloš. Dain berrojuvvo Riikkaarkiivva haddelisttu mielde máksu.
Bargoveahka rávve du materiálaid ohcamis ja diŋgojumiid bargamis.