Suoma arkiivalágádus seailluha áššegirjjálaš kulturárbbi

Suoma arkiivalágádusa bargun lea sihkkarastit álbmotlaš kulturárbái gullevaš áššebáhpáriid seailuma ja ovddidit daid dutkangeavahusa. Bargguide gullá maiddái suorggi dutkan- ja ovddidandoaibma.

Arkiivalágádus lea oahpahusministeriija vuollásaš stáhta virgeoapmahaš, mii čohkiida Riikkaarkiivvas ja čieža eanangoddearkiivvas.

Arkiivalágádus stivre virgeoapmahaččaid áššebáberhálddahusa ja arkiivadoaimma dikšuma, fuolaha arkiivadoaimma almmolaš ovddideamis ja lassin mearrida, maid stáhta- ja gielddahálddahusa áššebáhpáriid galgá seailluhit bissovaččat.

Dáid bargguid dikšuma várás arkiivalágádusas lea arkiivaláhkii vuoččudeaddji fápmudus addit čadni mearrádusaid virgeoapmahaččaide earret eará áššebáhpáriid bissovaš seailluheamis, arkiivalanjadagain, áššebáhpáriid ráhkadeamis geavahuvvon báhpáriin ja čállindárbašiin ja lassin áššebáhpáriid registreremis ja logahallamiidda bidjamis.

Arkiivalágádusas badjel 170 hildokilomehtera áššebáhpárat

Arkiivalágádus váldá vuostá ja seailluha stáhta virgeoapmahaččaid 40 jagi boarrasut áššebáhpáriid, maid galgá bissovaččat seailluhit. Stáhta báikkálaš- ja guovlohálddahusa virgeoapmahaččaid áššebáhpárat seailluhuvvojit dan arkiivalágádusa ovttadagas, man arkiivabiirres virgeoapmahaš lea doaibman. Guovddášhálddahusa virgeoapmahaččaid arkiivvat seailluhuvvojit Riikkaarkiivvas.

Dan lassin arkiivalágádus váldá vuostá ja seailluha servodaga ja dutkama dáfus mearkkašahtti priváhtaarkiivvaid, priváhtaolbmuid ja sogaid arkiivvaid, organisašuvnnaid ja servviid arkiivvaid ja maiddái fitnodagaid arkiivvaid.

Oktiibuot arkiivalágádusas leat áššebáhpárat badjel 170 hildokilomehtera. Áššebáhpáriid sáhttá geavahit Riikkaarkiivva ja eanangoddearkiivvaid dutkiidsáliin ja lassáneaddji mearis maiddái neahtas.

Arkiivalágádusa dutkiidsálet leat buohkaide rahpasat ja dutkan lea nuvttá.

Sámeguovlu gullá Oulu eanangoddearkiivva arkiivabiirii

Sámeguovllu stáhta virgeoapmahaččaid áššebáhpárat, mat seailluhuvvojit bissovaččat, seailluhuvvojit Oulu eanangoddearkiivvas.

Lassin eanangoddearkiivvas seailluhuvvojit badjel 2500 priváhtaarkiivva, maid joavkkus leat sihke priváhtaolbmuid, bearrašiid ja sogaid arkiivvat ja maiddái servviid ja fitnodagaid arkiivvat. Priváhtaarkiivvaid luohpadanáššiid dikšu eanangoddearkiivva hoavda.

Oulu eanangoddearkiivvas seailluhuvvon áššebáhpáriid lea vejolaš dutkat eanangoddearkiivva dutkiidsáles dahje dičgot gáiddusluoikkasin arkiivalágádusa eará ovttadagaide dahje luoikkahanvuoigatvuoča ožžon lágádusaide, earret eará Lappi universitehta girjerádjui.

Anáris álggaha jagi 2012 álggus sámearkiiva, mii lea Oulu eanangoddearkiivva oassi. Arkiiva buktá arkiivalágádusa bálvalusaid sámeguvlui.

Oktavuohtadiečát:

Riikkaarkiiva (váldovisti)
Uksačujuhus: Rauhankatu 17
Poastačujuhus: PL 258, 00171 Helsset
Telefon: (09) 228 521
Fáksa: (09) 176 302
Šleačgapoasta: kansallisarkisto[@]narc.fi

Oulu eanangoddearkiiva
čujuhus: Arkistokatu 6, 90100 OULU
Guovddáš: (08) 514 5800
Áššehasbálvalus: (08) 514 5811
Hoavda: (08) 514 5813
Virgeoapmahaččaid rávven: (08) 514 5815
Fáksa: (08) 514 5850
Šleačgapoasta: oulu[@]narc.fi