Sámeguovllu skuvlamuittuid čoaggin

Čállinrávvagat:

Makkár lea leat oahppin skuvllas? Leatgo bargan skuvllas oahpaheaddjin dahje man nu eará barggus? Makkár lea leat skuvlalačča fuolaheaddji? Muital iežat muittuin ja vásáhusain oahppin, skuvlla bargin dahje skuvlalačča váhnemin. Sáhtát muittašit áiggi álbmotskuvllas, oahppaskuvllas, vuođđoskuvllas, logahagas dahje ámmátlaš skuvlemis sámiid ruovttuguovllus.

Čále iežat gillii ja stiillain, iežat sániiguin. Čállosa guhkkodat lea friija. Muital álggos gean perspektiivvas muittašat (oahppi, oahpaheaddji, eará bargi dahje váhnema). Sáhtát muitalit das go ieš ledjet oahppin ja maiddái muittuidat skuvlla bargin dahje skuvlalačča váhnemin. Čále sierra áiggiide guoski skuvlamuittuid sierra báhpáriidda.

Jos sáddet teavstta šleađgapoastta mielddusfiilan, geavat millosepmosit doc-, rtf-, dahje txt –hámi. Merke konfaluhttii dahje šleađgapoastta fáddán dovddaldaga ”Minun koulumuistoni” (Mu skuvlamuittut). Materiála ii máhcahuvvo, nuba váldde alccet hálidettiinat kopia. Jos sáddet teavstta báhpára alde, čále dušše báhpára nuppebeallái. Ale geavat dobiid, teaippaid dahje njađđagiid.

 

Skuvlalaččat luohkkálanjas Menešjávrris 1960-logus (Govva: Siida-musea)

 

Čále sierra báhpárii dahje šleađgapostii mielde duogášdieđuidat: namma, skuvlejupmi ja ámmát (maiddái ovddibut), riegádanáigi ja –báiki, čujuhus, telefonnummir ja vejolaš šleađgapoastačujuhus sihke vuolláičállon miehtan dasa, ahte du sádden materiála arkiverejuvvo du namain Sámearkiivii boahttevaš dutkanatnui. Agivuložiid čállosa arkiveremii dárbbašuvvo fuolaheaddji lohpi. Lavtte mielde dieđuid skuvlla birra, man muittašat: Skuvlla namma ja báikegoddi sihke áigodat, maid don muittašat.

Mii sávvat ahte oažžut muittuid čálusin, muhto maiddái čuovgagovaid, sárgosiid, stiilačállingihppagiid ded. materiála váldit mielas vuostá. Čuovgagovaid, jietnabáttiid ja eará materiála sáddemis váldde oktavuođa arkiivii ovddalgihtii jogo riŋgemiin +358 295 337 042 dahje šleađgapoasttain: inker-anni.linkola@narc.fi

Čállosat ja eará materiála arkiverejuvvo Sámearkiivii Anára Sajosii, gos dat lea geavaheamis earet eará skuvlalágádusa historjái ja sámi skuvlahistorjái guoski dutkamušfidnuid várás. Čoaggima lágida Suoma Álbmotarkiiva ja dasa gullevaš Sámearkiiva.

Čuovvovaš siiddus leat gažaldagat, mat sáhttet leat veahkkin muittašeamis. Sáhtát maid muitalit iežat vásáhusaid birra dáid gažaldagain beroškeahttá.

Sádde čállosa 31.05.2015 rádjai jogo poastta mielde čujuhussii: Saamelaisarkisto, Sajos, 99870 Anár/Inari dahje šleađgapoasttain čujuhussii: keruu.saamelaisarkisto@narc.fi.

 

Skuvlaloahppaávvudeapmi Vuovdaguoikkas 1950-logu álggus. Gáva-Mággá  (Magga Tapiola, čuožžu ráidalasa ovdabealde) lei skuvllas barggus. (Govva: Siida-musea)

 

Gažaldagat:

Gažaldagat oahppiide

Gažaldagat fuolaheaddjái

Gažaldagat oahpaheaddjái

Gažaldagat skuvlla eará bargiide

 

 

Gažaldagat oahppiide

Muital iežat skuvlla birra. Čále friija ja iežat stiillain. Sáhtát vástidit čuovvovaš gažaldagaide dahje muitalit ovttaskas áššiid, mat leat báhcán millii ja main leamašan dutnje mearkkašupmi.

  • Gos váccát skuvlla?
  • Váccátgo lagašskuvlla vai leatgo válljen dán skuvlla man nu erenomáš siva geažil?
  • Man luohkás don leat? Makkár oahppoávdnasat dus leat skuvllas?
  • Makkár luohkká dus lea? Man ollu luohkás leat oahppit?
  • Muital du oahpaheaddji(id) birra. Makkár gaskavuođat oahppiin ja oahpaheaddjis leat? (omd. Mo hállojuvvo oahpaheaddjái? Hállojuvvogo oahpaheaddjiin eará go skuvlaáššiid birra?)
  • Mii oahppodiimmuid áigge dahkkojuvvo?
  • Govvit makkár lea dábálaš skuvlabeaivi.
  • Naba makkárat leat skuvlla mátkkit, reaissut ja ávvudoalut?
  • Makkár lei du vuosttas skuvlabeaivi?
  • Makkár skuvlaviessu lea ja makkár skuvlla šillju lea?
  • Maid dagat gaskadiimmuid áigge?
  • Mii skuvllas lea suohtas? Leago miinu váttis?
  • Muital iežat skuvlamátkki birra. Mo boađát skuvlii?
  • Man giela dahje maid gielaid skuvllas geavahit? Geavahuvvojitgo iešguđet diliin sierra gielat (omd. oahppodiimmut, gaskadiimmut, ávvudoalut)? Naba geavahatgo sierra gielaid sierra olbmuiguin skuvllas (omd. eará oahppit, oahpaheaddjit, gievkkana veahka, fáktameašttir, dálualmmái)?
  • Hálatgo sámegiela? Jos hálat, gos leat oahppan sámegiela?
  • Leago sámekultuvra ovdan skuvllas? Jos lea, de mo?
  • Leago skuvllas oahppiidovttastus? Oassálasttátgo dan doibmii? Mii doppe dahkkojuvvo?
  • Leago skuvllas veaigebeairiekkis? Oassálasttátgo/oassálastetgo dasa? Mii doppe dahkkojuvvo?
  • Leatgo dus leavssut? Goas ja gos dagat leavssuid? Man oaivilis don leat leavssuin?
  • Man oaivilis leat skuvlavázzimis?
  • Man oaivilis du váhnemat dahje fuolaheaddjit leat du skuvlavázzimis?
  • Mat leat buoremus ja vearrámus muittut skuvllas?
  • Eará mii guoská skuvlii ja skuvlavázzimii?

-> Čállinrávvagat

 

 

Gažaldagat fuolaheaddjái

Muital das makkár lea leat skuvlalačča fuolaheaddji. Čále friija ja iežat stiillain. Sáhtát vástidit čuovvovaš gažaldagaide dahje muitalit ovttaskas áššiid, mat leat báhcán millii ja main leamašan dutnje mearkkašupmi.

  • Gos du mánná vázzá/mánát vázzet skuvlla?
  • Makkár lea leat skuvlalačča váhnen dahje fuolaheaddji?
  • Mo máná skuvlavázzin váikkuha din árgabeaivái?
  • Mo manná máná skuvlavázzima ja bearraša eallima ja doaimmaid oktiiheiveheapmi?
  • Mo oaččot dieđu skuvllas ja skuvlla doaimma birra? (omd. telefonságastallamat, dieđáhusat, rehpporeivvet, rehppogihpa, Wilma, neahttasiiddut, máná bokte, váhnemiideahkedat, čoahkkimat)
  • Leatgo don oktavuođas oahpaheaddjái dahje skuvlii? Jos leat, de mo (omd. telefonságastallan, šleađgapoasta, Wilma, rehppogihpa, váhnemiideahkedat, eará)?
  • Makkár áššiid birra don leat oktavuođas skuvlii?
  • Man giela geavahat, go leat oktavuođas skuvlii? Go skuvla váldá oktavuođa dutnje, man gillii dat dáhpáhuvvá?
  • Leago du mielas sámekultuvra dahje máŋggakulturvuohta ovdan máná skuvllas? Jos lea, de mo? Man oaivilis leat das?
  • Makkár sávaldagat dus leat skuvlii?
  • Sáhtátgo iežat mielas váikkuhit máná skuvlavázzimii (omd. skuvlla doaibmavugiide)?
  • Dahkágo mánná leavssuid ruovttus? Mannabeahttigo ovttas čađa leavssuid?
  • Sáhtátgo iežat mielas veahkehit máná leavssuin ja eará skuvlavázzimii guoski áššiin? Jos it, oažžugo mánná veahki gosnu eará sajis?
  • Orrugo du mielas ahte skuvla ásaha gáibádusaid skuvlalačča bearrašii dahje váhnemii?
  • Leago mánát/mánáidat skuvlavázzima áigge dáhpáhuvvan nuppástusat skuvllas dahje skuvlla ja váhnemiid gaskavuođas? Jos lea, de mo? Mo nuppástusat manne ja mo dat orro váhnema perspektiivvas geahčadettiin? (omd. sirdáseapmi ođđa skuvlii, ođđa oahpaheaddjit)
  • Makkár lea mánát/mánáidat skuvlamátki? Mo son johtá/sii johtet dan? Mo skuvlamátkkit du mielas mannet?
  • Jos veardidat iežat skuvlaáiggi ja du máná(id) skuvlavázzima, leago du mielas skuvllas dáhpáhuvvan nuppástusat? Jos lea, de mii?
  • Eará fuomášanveara?

Jos leat ieš vázzán skuvlla sámiid ruovttuguovllus, sáhtášitgo vel muittašit iežat skuvlaáiggi. Sáhtát muittašeamis vástidit omd. čuovvovaš gažaldagaide. Sáhtát maid muitalit ovttaskas áššiid, mat leat báhcán du millii ja main leamašan dutnje mearkkašupmi.

Skuvla

  • Gos vázzet skuvlla ja goas?
  • Geat ledje du oahpaheaddjit?
  • Man guhkki skuvlajahki lei? Goas lohkanjahki álggii ja goas dat nogai? Goas ledje luomut?
  • Makkár oahppoávdnasat skuvllas ledje?
  • Makkárat ledje oahpaheaddjiid ja oahppiid gaskavuođat? Omd. Mo sii hálle guđet guimmiidasaset? Mo oahpaheaddjiin láhttejuvvui?
  • Makkárat skuvlaviessu ja luohkkálanjat ledje?
  • Govvit du dábálaš skuvlabeaivvi.
  • Maid dagaidet gaskadiimmuin?
  • Makkárat ledje oahppiid gaskavuođat skuvllas?
  • Govvit skuvlla ávvudoaluid dahje skuvlaáigge dahkkon reaissuid?
  • Makkár njuolggadusat skuvllas ledje? Mas skuvllas bálkkašuvvui ja mo? Muittátgo ráŋggáštusaid? Makkárat dat ledje ja mas daid oaččui?

Skuvlla giella

  • Man gillii oahpaheaddjiin hállojuvvui? Naba skuvlla eará bargiiguin? Máhttetgo dan giela juo ovdalgo skuvla álggii?
  • Man gillii hállojuvvui eará oahppiiguin?
  • Naba man gillii oahppogirjjit ledje?

Skuvlamátki ja ásodat

  • Makkár lei du skuvlamátki? Mo don johtet dan? Man dávjá fitnet ruovttus?
  • Ássetgo ásodagas skuvlaáigge?
  • Jos ásset, maid muittát ásodatáiggis? Makkár ásodat lei ja mo liikojit ásodagas?
  • Makkárat ledje ásodatdikšu/bargiid ja mánáid gaskavuođat? Naba mánáid gaskasaš gaskavuođat ásodagas?
  • Man giela dahje maid gielaid ásodagas geavahedje?

Skuvla ja ruoktu

  • Man/Maid ealáhusa(id) ruovttustat hárjehedje? Mo skuvlavázzin ja ruovttu doaimmat heivejedje oktii?
  • Makkárat du váhnemiid ja skuvlla veaga gaskavuođat ledje?
  • Maid du váhnemat jurddašedje du skuvlavázzimis?
  • Maid ieš jurddašit iežat skuvlavázzimis?
  • Dáhpáhuvvego skuvlaáigge stuorra nuppástusat (omd. skuvlla heaittiheapmi, vuođđoskuvlavuogádahkii sirdáseapmi) ja mo dat váikkuhedje du skuvlavázzimii?
  • Mat leat buoremus ja vearrámus muittut du skuvlaáiggis?
  • Ožžotgo skuvllas oahpuid dahje vásáhusaid, mat leat du mielas váikkuhan du eallimii dahje leamaš ávkkálaččat maŋŋelebbos eallimis?
  • Eará fuomášanveara?

-> Čállinrávvagat

 

 

Gažaldagat oahpaheaddjái

Muital muittuidat iežat barggus oahpaheaddjin. Čále friija ja iežat stiillain. Sáhtát muittašeamis vástidit čuovvovaš gažaldagaide dahje sáhtát muitalit ovttaskas dáhpáhusain, main leamašan dutnje mearkkašupmi du bargohistorjjá áigge.

Oahpaheaddjin álgin

  • Mo dus bođii oahpaheaddji?
  • Makkár muittut dus leat oahpaheaiskuvlemis?
  • Naba manin dahje mo álget oahpaheaddjin sámiid ruovttuguvlui?
  • Makkárat ledje du bargohistorjjá vuosttas jagit?

Oahpaheaddjin bargan

  • Man skuvllas leat barggus dán áigge? Man skuvladásis oahpahat?
  • Barggatgo (leatgo bargan) ovtta vai máŋgga skuvllas?
  • Mii lea somámus ja mii fas eanemus hástaleaddji barggustat?
  • Leatgo skuvlen iežat du bargohistorjjá áigge ođđa bargguide dahje skáhppon lassegelbbolašvuođa?
  • Leago oahpaheaddji barggu luondu rievdan bargojagiidat áigge? Jos lea, de mo?
  • Naba leago du iežat jurdagat barggu ektui rievdan?
  • Makkár muittut dus leat du bargohistorjjá áigge dáhpáhuvvan stuorámus nuppástusain?
  • Makkár hástalusaid, vejolašvuođaid dahje váttisvuođaid nuppástusat bukte mielddisteaset?
  • Makkár muittut dus leat ođđa rusttegiid dahje diehtoteknihka boahtimis skuvlii?
  • Makkárat leat buoremus ja vearrámus muittut du barggus oahpaheaddjin?

Bargosearvvuš

  • Leago du bargosearvvuš (skuvlla njunuš, váhnemat ja nuorat bargoskihpárat, oahppifuolahusbargit ja skuvlla eará bargit) rievdan du bargohistorjjá áigge? Naba du bargoservoša lahtuid gaskavuođat? Mo?
  • Makkár lea oahpaheailanja mearkkašupmi?
  • Leago du skuvllas oktasašbargu eará skuvllaiguin? Jos lea, de makkár? Leatgo ieš (leamaš) dán oktasašbarggus mielde?
  • Eará fuomášanveara skuvllas ja du barggus oahpaheaddjin?

Oahppit

  • Makkár lea oahppiid ja oahpaheaddjiid gaskavuohta? (omd. Mo oahpaheaddjái hállojuvvo? Maid áššiid birra oahpaheaddjiin hállojuvvo?)
  • Makkár jurdagat oahppiin leat skuvlla, oahpaheaddji ja stuđerema ektui? Leago das dáhpáhuvvan nuppástusat du bargohistorjjá áigge? (Omd. gárvodeapmi, dearvvaheapmi, don-sáni geavaheapmi oahpaheaddjái háladettiin, gárrenávdnasat.)
  • Leago skuvllas oahppiidovttastus dahje skuvlaráđđi?
  • Maid don oahpaheaddjin jurddašat oahppiidovttastusas, skuvlaráđis ja skuvlademokratias?
  • Makkárat leat gaskavuođat oahppiid fuolaheaddjiide?
  • Eará?

Skuvlla giella dahje gielat ja sámekultuvra

  • Man giela dahje maid gielaid skuvllas geavahit? Maid diliin geavahit mange giela?
  • Man giela dahje maid gielaid ieš geavahat oahppiiguin? (Oahpahandilis? Muđui?)
  • Man giela dahje maid gielaid geavahat skuvlla bargoveagain?
  • Man giela dahje maid gielaid geavahat čálalaččat barggustat oahpaheaddjin?
  • Maid skuvllas jurddašit sámegielas? Leatgo fuomášan nuppástusa sámegiela geavaheamis dahje dasa guoski jurdagiin du bargohistorjjá áigge?
  • Hálatgo sámegiela? Dárbbašatgo sámegiela dáiddu barggustat? Jos hálat sámegiela, hálletgo dan juo mánnán vai leatgo stuđeren dan rávesolmmožin? Máhttetgo sámegiela juo ovdal go oahpaheaddjin álget vai leatgo stuđeren sámegiela barggu oktavuođas?
  • Váikkuhago skuvlla sajádat sámiid ruovttuguovllus bargosat? Jos váikkuha, de mo?
  • Leago sámekultuvrra du mielas oidnosis skuvlla doaimmas? Jos lea, de mo? Leago dán áššis dáhpáhuvvan nuppástusat du bargohistorjjá áigge?
  • Mo sámekultuvrras jurddašuvvo skuvllas? Leago sámekultuvrii guoski jurdagiin dáhpáhuvvan du mielas nuppástusat du bargohistorjjá áigge? Eará máinnašanveara das?
  • Eará fuomášanveara?

Jos leat ieš vázzán skuvlla sámiid ruovttuguovllus, sáhtášitgo vel muittašit iežat skuvlavázzima. Sáhtát muittašeamis vástidit omd. čuovvovaš gažaldagaide.

Skuvla

  • Gos vázzet skuvlla ja goas?
  • Makkárat skuvlaviessu ja luohkkálanjat ledje?
  • Geat ledje du oahpaheaddjit?
  • Man guhkki skuvlajahki lei? Goas lohkanjahki álggii ja goas dat nogai? Goas ledje luomut?
  • Makkár oahppoávdnasiid din skuvllas stuđerejedje?
  • Makkárat ledje oahpaheaddjiid ja oahppiid gaskavuođat? Omd. Mo sii hálle guđet guimmiidasaset? Mo oahpaheaddjiin láhttejuvvui? Mo oahpaheaddji hálai oahppiide dahje mo láhttii oahppiiguin?
  • Govvit makkár lei du dábálaš skuvlabeaivi.
  • Maid dagaidet oahppodiimmuid áigge?
  • Maid dagaidet gaskadiimmuid áigge?
  • Makkárat ledje oahppiid gaskavuođat skuvllas?
  • Govvit skuvlla ávvudoaluid dahje skuvlaáigge dahkkon reaissuid?
  • Makkár njuolggadusat skuvllas ledje? Mas skuvllas bálkkašuvvui ja mo? Muittátgo ráŋggáštusaid? Makkárat dat ledje ja mas daid oaččui?
  • Leigo skuvllas oahppiidovttastus? Oassálastetgo dan doibmii? Mii doppe dahkkojuvvui?

Skuvlla giella dahje gielat

  • Man giela dahje maid gielaid oahpaheaddjiin hálle? Naba skuvlla eará bargiiguin? Molsašuttaigo giella dili mielde? Máhttetgo skuvllas geavahuvvon giela juo ovdalgo skuvla álggii?
  • Man giela hálle eará oahppiiguin?
  • Naba man gillii oahppagirjjit ledje?

Skuvlamátki ja ásodat

  • Makkár lei du skuvlamátki? Mo don johtet dan? Man dávjá fitnet ruovttus?
  • Ássetgo ásodagas skuvlaáigge?
  • Jos ásset, maid muittát ásodatáiggis? Makkár ásodat lei ja mo liikojit ásodagas?
  • Makkárat ledje ásodatdikšu/bargiid ja mánáid gaskavuođat? Naba mánáid gaskasaš gaskavuođat?
  • Man giela dahje maid gielaid ásodagas geavahedje?

Ruovttu ja skuvlla gaskavuohta

  • Man/Maid ealáhusa(id) ruovttustat hárjehedje? Mo skuvlavázzin ja ruovttu doaimmat heivejedje oktii?
  • Makkárat du váhnemiid ja skuvlla veaga gaskavuođat ledje?
  • Maid váhnemat jurddašedje du skuvlavázzimis?
  • Maid ieš juddašit iežat skuvlavázzimis?
  • Mat leat buoremus ja vearrámus muittut skuvlaáiggistat?
  • Ožžotgo skuvllas oahpuid, mat du mielas leat váikkuhan du eallimii dahje mat leamašan ávkkálaččat maŋŋá?
  • Eará fuomášanveara?

-> Čállinrávvagat 

 

 

Gažaldagat skuvlla eará bargiide

Muital iežat barggu birra skuvllas. Čále friija ja iežat stiillain. Sáhtát vástidit čuovvovaš gažaldagaide dahje muitalit ovttaskas áššiid, mat leat báhcán millii ja main leamašan dutnje mearkkašupmi.

  • Man skuvllas leat/ledjet barggus?
  • Makkár barggu dagat/barget skuvlaservošis?
  • Makkár lea/lei du dábálaš bargobeaivi?
  • Vuhttogo/Vuhttuigo sámekultuvra barggustat ja skuvllastat? Jos vuhtto/vuhttui, de mo?
  • Makkárat leat buoremus ja vearrámus muittut du barggus skuvllas?
  • Eará mii laktása skuvlii ja du bargui?
  • Gos du mánná vázzá/mánát vázzet skuvlla?
  • Makkár lea leat skuvlalačča váhnen dahje fuolaheaddji?
  • Mo máná skuvlavázzin váikkuha din árgabeaivái?
  • Mo manná máná skuvlavázzima ja bearraša eallima ja doaimmaid oktiiheiveheapmi?
  • Mo oaččot dieđu skuvllas ja skuvlla doaimma birra? (omd. telefonságastallamat, dieđáhusat, rehpporeivvet, rehppogihpa, Wilma, neahttasiiddut, máná bokte, váhnemiideahkedat, čoahkkimat)
  • Leatgo don oktavuođas oahpaheaddjái dahje skuvlii? Jos leat, de mo (omd. telefonságastallan, šleađgapoasta, Wilma, rehppogihpa, váhnemiideahkedat, eará)?
  • Makkár áššiid birra don leat oktavuođas skuvlii?
  • Man giela geavahat, go leat oktavuođas skuvlii? Go skuvla váldá oktavuođa dutnje, man gillii dat dáhpáhuvvá?
  • Leago du mielas sámekultuvra dahje máŋggakulturvuohta ovdan máná skuvllas? Jos lea, de mo? Man oaivilis leat das?
  • Makkár sávaldagat dus leat skuvlii?
  • Sáhtátgo iežat mielas váikkuhit máná skuvlavázzimii (omd. skuvlla doaibmavugiide)?
  • Dahkágo mánná leavssuid ruovttus? Mannabeahttigo ovttas čađa leavssuid?
  • Sáhtátgo iežat mielas veahkehit máná leavssuin ja eará skuvlavázzimii guoski áššiin? Jos it, oažžugo mánná veahki gosnu eará sajis?
  • Orrugo du mielas ahte skuvla ásaha gáibádusaid skuvlalačča bearrašii dahje váhnemii?
  • Leago mánát/mánáidat skuvlavázzima áigge dáhpáhuvvan nuppástusat skuvllas dahje skuvlla ja váhnemiid gaskavuođas? Jos lea, de mo? Mo nuppástusat manne ja mo dat orro váhnema perspektiivvas geahčadettiin? (omd. sirdáseapmi ođđa skuvlii, ođđa oahpaheaddjit)
  • Makkár lea mánát/mánáidat skuvlamátki? Mo son johtá/sii johtet dan? Mo skuvlamátkkit du mielas mannet?
  • Jos veardidat iežat skuvlaáiggi ja du máná(id) skuvlavázzima, leago du mielas skuvllas dáhpáhuvvan nuppástusat? Jos lea, de mii?
  • Eará fuomášanveara?

Jos leat ieš vázzán skuvlla sámiid ruovttuguovllus, sáhtášitgo vel muittašit iežat skuvlaáiggi. Sáhtát muittašeamis vástidit omd. čuovvovaš gažaldagaide. Sáhtát maid muitalit ovttaskas áššiid, mat leat báhcán du millii ja main leamašan dutnje mearkkašupmi.

Skuvla

  • Gos vázzet skuvlla ja goas?
  • Geat ledje du oahpaheaddjit?
  • Man guhkki skuvlajahki lei? Goas lohkanjahki álggii ja goas dat nogai? Goas ledje luomut?
  • Makkár oahppoávdnasat skuvllas ledje?
  • Makkárat ledje oahpaheaddjiid ja oahppiid gaskavuođat? Omd. Mo sii hálle guđet guimmiidasaset? Mo oahpaheaddjiin láhttejuvvui?
  • Makkárat skuvlaviessu ja luohkkálanjat ledje?
  • Govvit du dábálaš skuvlabeaivvi.
  • Maid dagaidet gaskadiimmuin?
  • Makkárat ledje oahppiid gaskavuođat skuvllas?
  • Govvit skuvlla ávvudoaluid dahje skuvlaáigge dahkkon reaissuid?
  • Makkár njuolggadusat skuvllas ledje? Mas skuvllas bálkkašuvvui ja mo? Muittátgo ráŋggáštusaid? Makkárat dat ledje ja mas daid oaččui?

Skuvlla giella

  • Man gillii oahpaheaddjiin hállojuvvui? Naba skuvlla eará bargiiguin? Máhttetgo dan giela juo ovdalgo skuvla álggii?
  • Man gillii hállojuvvui eará oahppiiguin?
  • Naba man gillii oahppogirjjit ledje?

Skuvlamátki ja ásodat

  • Makkár lei du skuvlamátki? Mo don johtet dan? Man dávjá fitnet ruovttus?
  • Ássetgo ásodagas skuvlaáigge?
  • Jos ásset, maid muittát ásodatáiggis? Makkár ásodat lei ja mo liikojit ásodagas?
  • Makkárat ledje ásodatdikšu/bargiid ja mánáid gaskavuođat? Naba mánáid gaskasaš gaskavuođat ásodagas?
  • Man giela dahje maid gielaid ásodagas geavahedje?

Skuvla ja ruoktu

  • Man/Maid ealáhusa(id) ruovttustat hárjehedje? Mo skuvlavázzin ja ruovttu doaimmat heivejedje oktii?
  • Makkárat du váhnemiid ja skuvlla veaga gaskavuođat ledje?
  • Maid du váhnemat jurddašedje du skuvlavázzimis?
  • Maid ieš jurddašit iežat skuvlavázzimis?
  • Dáhpáhuvvego skuvlaáigge stuorra nuppástusat (omd. skuvlla heaittiheapmi, vuođđoskuvlavuogádahkii sirdáseapmi) ja mo dat váikkuhedje du skuvlavázzimii?
  • Mat leat buoremus ja vearrámus muittut du skuvlaáiggis?
  • Ožžotgo skuvllas oahpuid dahje vásáhusaid, mat leat du mielas váikkuhan du eallimii dahje leamaš ávkkálaččat maŋŋelebbos eallimis?
  • Eará fuomášanveara?

Skuvllaid gaskasaš čuoigangilvvut Avvilis 1954 (Govva: Siida-musea)

 

Čállinrávvagat

Gažaldagat fuolaheaddjái

Gažaldagat oahpaheaddjái

Gažaldagat oahppiide

Gažaldagat skuvlla eará bargiide

 

Sámearkiiva:

Inker-Anni Linkola. Telefonnummar  lea  029 533 7042 ja e-poastačujuhus: inker-anni.linkola(@)narc.fi.