Sämikuávlu škovlâmuštonuurrâm

Čäällimravvuuh:

Maggaar lii leđe uáppen škoovlâst? Lah-uv porgâm škoovlâst máttáátteijen teikâ mottoom eres pargoost? Maggaar lii leđe škovlâlii huolâtteijee? Muštâl tuu muštoin já vuáttámušâin uáppen, škoovlâ pargen teikâ škovlâlii vanhimin. Puávtáh muštâččiđ tuu ääigi kansaškoovlâst, oppâškoovlâst, vuáđuškoovlâst, luvâttuvvâst teikâ áámmátlii škovliittâsâst Sämikuávlust.

Čääli tuu jieijâd kielân já stiijlân, jieijâd sanijguin. Čalluu kukkodâh lii rijjâ. Maainâst vistig kiän uáinust muštâččah (uáppee, máttáátteijee, pargovievâ teikâ vaanhim). Puávtáh muštâliđ sehe muštoid tuu jieijâd uáppeeääigist ete muštoid tast ko lah porgâm škoovlâst teikâ muštoid ko lah lamaš škovlâlii vaanhim. Čääli sierâ aigijd lohtâseijee škovlâmuštoid sierâ pápáráid.

Jis vuolgâttah teevstâ šleđgâpoostâ lahtosin, keevti mielâstubbooht doc-, rtf-, teikâ txt –häämi. Merkkee kooverttân teikâ šleđgâpoostâ fáddásajan tubdâlduv ”Minun koulumuistoni”. Amnâstâh ij macâttuu, te vääldi olssâd kopio jis halijdah. Jis vuolgâttah tuu teevstâ pápáráin, čääli tuše pááppár nubebel. Ele keevti tarveid, tarvelastikijd teikâ njađosijd.

Čääli sierâ pápárân teikâ šleđgâpoostâ viestâsajan tuu tuávváštiäđuid: nommâ, škovliittâs já áámmát (meid ovdiih), šoddâmäigi já -saje, čujottâs, puhelinnummeer já máhđulâš šleđgâpostâčujottâs sehe vuáláčallum mietâmâš toos, ete tuu vuolgâttem amnâstâh piäijoo Sämiarkkâdâhân tuu nommáin puáttee tutkâmuškevttim várás. Vyeliahasij čalluu arkkâdâhân pieijâm várás tarbâšuvvoo huolâtteijee mietâmâš. Labde fáárun tiäđuid škoovlâst, mon muštâččah: Škoovlâ nommâ já päikkikodde sehe äigi, mon tuu muštâččem kovvee.

 

Škovlâliih luokkâvisteest 1960-lovvoost (Kove: Sijdâ-museo)

 

Tuáivup, ete finnip muštoid čalluin, mutâ meid čuovâkoveh, sárguseh, čäällimvihkoh tet. láá tiervâpuáttám materiaal. Čuovâkuuvij, jienâpaadij já eres materiaal vuolgâtmist vääldi ohtâvuođâ arkkâdâhân jo muuneeld jo-uv suáittimáin +358 295 337 042 teikâ šleđgâpostáin: inker-anni.linkola@narc.fi

Čalluuh já eres amnâstâh piäijojeh Sämiarkkâdâhân Aanaar Sajosân, kost toh láá kevttimnáál eres lasseen škovlâlájádâs historján já säämi škovlâhistorján kyeskee tutkâmprojektij várás. Nuurrâm uárnee Suomâ Aalmuglâšarkkâdâh já toos kullee Sämiarkkâdâh.

Čuávuváá siijđost láá koččâmušah, moh pyehtih leđe iššeen muštoi čälimist. Puávtáh meid muštâliđ jiejah vuáttámušâin peerusthánnáá täin koččâmušâin.

Vuolgât tuu čalluid 31.05.2015 räi jo-uv poostâ peht čujottâsân: Sämiarkkâdâh, Sajos, 99870 Aanaar teikâ šleđgâpoostâ peht čujottâsân: keruu.saamelaisarkisto@narc.fi.

 

Škoovlâ loppâjuhleh Vuovdâkuoškâst 1950-lovo aalgâst. Gáva-Mággá (Magga Tapiola, čuážžu railâsij oovdâst) lâi škoolvâst pargoost (Kove: Sijdâ-museo)

 

Koččâmušâid:

Koččâmušah uáppeid

Koččâmušâid huolâtteijei

Koččâmušah máttáátteijei

Koččâmušah škoovlâ eres pargoviehân

Čäällimravvuuh

 

 

Koččâmušah uáppeid

Muštâl tuu škoovlâst. Puávtáh muštâliđ ovtâskâs aašijd, moh láá pááccám tuu mielân já moh láá lamaš tunjin merhâšitteeh.

  • Kost jođáh škoovlâ?
  • Jođáh-uv aldaškoovlâ vâi lah-uv valjim škoovlâ mottoom eromâš suujâ tiet?
  • Mon luokast tun lah? Magareh oppâamnâseh tust láá škoovlâst?
  • Maggaar luokka tust lii? Mon ennuv tobbeen láá uáppeeh?
  • Muštâl tuu máttáátteijest teikâ máttáátteijein. Magareh koskâvuođah uáppein já máttáátteijest láá? (om. Maht sárnuttâlvetteđ máttáátteijee? Sárnuvetteđ-uv máttáátteijein eres ko škovlâaašijn?)
  • Maid oppâtiijmij ääigi porgâvetteđ?
  • Kuvvii táválii škovlâpeeivi.
  • Nabai magareh láá škoovlâ määđhih já juhleh?
  • Maggaar lâi vuossâmuš škovlâpeivi?
  • Maggaar škovlârakânâs lii já maggaar škoovlâ šiljo lii?
  • Maid poorgah tijmekooskâin?
  • Mii škoolvâst lii suotâs? Lii-uv miinii vaigâd?
  • Muštâl tuu škovlâmääđhist. Maht puáđáh škoovlân?
  • Mon kielâ teikâ maid kielâid škoovlâst kevttih? Kevttih-uv eres tilálâšvuođâin eres kielâid (om. oppâtiijmeh, koskâtiijmeh, juhleh)? Nabai kiävtáh-uv eres kielâid eres ulmuiguin škoovlâst (om. eres uáppeeh, máttáátteijee, kievkkân viehâ, vahtâmiäštár, tálualmai)?
  • Máátáh-uv sämikielâ? Jis máátáh, te kost lah oppâm sämikielâ?
  • Lii-uv sämikielâ uáinusist škoovlâst? Jis lii, te maht?
  • Lii-uv škoovlâst uáppeekodde? Uásálistah ton tooimân? Maid tobbeen pargeh?
  • Lii-uv škoovlâst eehidpeivikerho? Uásálistah-uv/Uásálistih-uv toos? Maid tobbeen pargeh?
  • Láá-uv tust liävsuh? Kuás já kost poorgah liävsuid? Maid jurdáh liävsuin?
  • Maid jurdáh škovlâjotemist?
  • Maid tuu vanhimeh teikâ huolâtteijeeh jurdeh tuu škovlâjotemist?
  • Moh láá tuu pyeremus já hyenemus muštoh škoovlâst?
  • Eres škoovlân já škovlâjotemân lohtâseijee?

Čäällimravvuuh

 

 

Koččâmušâid huolâtteijei

Muštâl tast, maggaar lii leđe škovlâlii huolâtteijee. Puávtáh västidiđ om. čuávuváid koččâmuššáid. Puávtáh meid muštâliđ ovtâskâs aašijd, moh láá pááccám mielân já moh láá lamaš tunjin merhâšitteeh.

  • Kost tuu päärnih joteh škoovlâ?
  • Maggaar lii leđe škovlâlii vaanhim teikâ huolâtteijee?
  • Maht päärni škovlâjotteem vaaikut tii aargân?
  • Maht luhostuvá päärni škovlâjotteem já peerâeellim já tooimâi heiviittem oohtân?
  • Maht finniih tiäđu škoovlâst já škoovlâ tooimâst? (om. puhelinsuáituh, saavah, reppukirjeh, reppuvihko, Wilma, internetsiijđoh, päärni peht, vaanhimij ehideh, čuákkimeh)
  • Lah-uv ohtâvuođâst máttáátteijei teikâ škoovlân? Jis lah, te maht (om. puhelin, šleđgâpostâ, Wilma, reppuvihko, vaanhimij ehideh, eres)?
  • Magarij ašijguin lah ohtâvuođâst škoovlân?
  • Mon kielâ kiävtáh, ko lah ohtâvuođâst škoovlân? Moin kieláin škoovlâst láá ohtâvuođâst tunjin?
  • Lii-uv tuu mielâst sämikulttuur teikâ maaŋgâkulttuurlâšvuotâ uáinusist tuu päärni škoovlâst? Jis lii, te maht? Mon mielâ lah tast?
  • Magareh tuoivuuh tust láá škoovlân?
  • Uáináh-uv, ete puávtáh vaikuttiđ tuu päärni škovlâjotemân (om. škoovlâ toimâvuovijd)?
  • Ráhtá-uv tuu pärni liävsuid pääihist? Elivettee-uv oovtâst čoođâ liävsuid?
  • Uáináh-uv, ete puávtáh išediđ päärni liävsuiguin já eres škovlâjotemân lohtâseijee ašijguin? Jis jieh, te finnee-uv pärni iše kostnii eres saajeest?
  • Uáináh-uv, ete škovlâ aasât vátámâšâid škovlâlii perrui teikâ vaanhimân?
  • Láá-uv tuu päärni/paarnij škovlâjotteem ääigi tábáhtum nubástusah škoovlâst teikâ škoovlâ já vaanhimij koskâvuođâst? Jis láá, te moh? Maht nubástusah monnii já maht toh urruu vaanhim uáinust? (om. sirdâšum uđđâ škoovlân, uđđâ máttáátteijeeh)
  • Maggaar lii tuu päärni/paarnij škovlâmätki? Maht tom joteh? Maht tuu mielâst škovlâmääđhih maneh?
  • Jis verdidah jieijâd škovlâääigi já päärnid škovlâjotteem, te láá-uv tuu mielâst škoovlâst tábáhtum nubástusah? Jis láá, te moh?
  • Eres huámášittee?

Jis lah jieš jottáám škoovlâ Sämikuávlust, puávtáh-uv vala muštâččiđ jieijâd škovlâjotteem. Puávtáh västidiđ om. čuávuváid koččâmuššáid. Puávtáh meid muštâliđ ovtâskâs aašijd, moh láá pááccám tuu mielân já moh láá lamaš tunjin merhâšitteeh.

Škovlâ

  • Kost lah jottáám škoovlâ já kuás?
  • Kiäh lijjii tuu máttáátteijeeh?
  • Mon kukke škovlâihe lâi? Kuás škovlâihe aalgij já kuás tot nuuvâi? Kuás lijjii luámuh?
  • Magareh oppâamnâseh lijjii?
  • Magareh lijjii máttáátteijei já uáppei koskâvuođah om. Maht sárnuttâllii? Maht máttáátteijee kuáttá lättejii?
  • Magareh škovlârakânâs já škovlâvisteh lijjii?
  • Kuvvii tuu táválii škovlâpeeivi.
  • Maid poorgâid tijmekooskâin?
  • Magareh lijjii uáppei koskâvuođah škoovlâst?
  • Kuvvii škoovlâst oonnum juuhlijd teikâ škovlâääigi maađhijd?
  • Magareh njuolgâdusah škoovlâst lijjii? Mast škoovlâst palhâšii já maht? Muštáh-uv ráŋgáštâsâid? Magareh toh lijjii já mast taid finnejii?

Škoovlâ kielâ

  • Mon kielâ máttáátteijein sáárnuid? Nabai škoovlâ eres pargovieváin? Mättih-uv kielâ jo ovdil škoovlâ älgim?
  • Mon kielâ sáárnuid eres uáppeiguin?
  • Nabai mon kielâsiih oppâkirjeh lijjii?

Škovlâmätki já asâttâh

  • Maggaar lâi tuu škovlâmätki? Maht lah jottáám tom? Mon távjá eellih pääihist?
  • Lah-uv aassâm asâttuvvâst tuu škovlâääigi?
  • Jis lah, te maid muštáh asâttâhääigist? Maggaar asâttâh lâi já maht lijkkojih tobbeen leđe?
  • Magareh lijjii asâttâhhoittájeijee/pargei já paarnij koskâvuođah? Nabai paarnij koskâvuođah asâttuvvâst?
  • Mon kielâ teikâ maid kielâid asâttuvvâst kevttii?

Škovlâ já päikki

  • Mon iäláttâs teikâ maid iäláttâsâid tuu pääihist hárjuttii? Maht škovlâjotteem já pääihi tooimah heivejii oohtân?
  • Magareh lijjii tuu vaanhimij já škoovlâ koskâvuođah?
  • Maid tuu vaanhimeh jurdii tuu škovlâjotemist?
  • Maid lah jieš jurdám tuu škovlâjotemist?
  • Tábáhtuvvii-uv tuu škovlâääigi stuorrâ nubástusah (om.škoovlâ lopâttem, vuáđuškovlâvuáhádâhân sirdâšum) já maht toh vaikuttii škovlâjotemân?
  • Moh láá tuu pyeremus já hyenemus muštoh škovlâääigist?
  • Finnejih-uv škoovlâst oopâid teikâ vuáttámusâid, moh láá tuu mielâst vaikuttâm tuu elimân teikâ lamaš ávháliih maŋeláá?
  • Eres huámášittee?

Čäällimravvuuh 

 

Koččâmušah máttáátteijei

Muštâl muštoid pargostâd máttáátteijen. Čääli rijjâ já jieijâd stiijlân. Puávtáh muuštâčmist västidiđ čuávuváid koččâmuššáid teikâ puávtáh muštâliđ ovtâskâs tábáhtusâin, moh láá lamaš tunjin merhâšitteeh tuu pargosyergi ääigi.

Máttáátteijen riemmâm

  • Maht karttih máttáátteijen?
  • Magareh muštoh tust láá máttáátteijeeškovliittâsâst?
  • Nabai mane teikâ maht riemmih máttáátteijen Sämikuávlun?
  • Magareh lijjii tuu pargosyergi vuossâmuuh iveh?

Máttáátteijen porgâm

  • Mon škoovlâst lah tääl pargoost? Mon škovlâtääsist máttááttah?
  • Lah-uv (lamaš) pargoost oovtâ teikâ maaŋgâ škoovlâst?
  • Mii lii suottâsumos já mii hástulumos tuu pargoost?
  • Lah škuávlejum tuu pargosyergi ääigi uđđâ pargoid teikâ haahâm lase tohálâšvuođâ?
  • Lii-uv máttáátteijee pargo luándu muttum tuu pargoiivij ääigi? Jis lii, te maht?
  • Nabai lii-uv tuu vuáhádume tuu pargo kuáttá muttum?
  • Magareh muštoh tust láá tuu pargosyergi ääigi tábáhtum stuárráámus nubástusâin?
  • Magareh hástuseh, máhđulâšvuođah teikâ čuolmah pottii nubástusâi fáárust?
  • Moh mustoid tust láá uđđâ piergâsij teikâ tiätutekniik puátimist škoovlân?
  • Magareh láá tuu pyeremus já hyenemus muštoh pargosyergistâd máttáátteijen?

Pargosiärvus

  • Lii-uv tuu pargosiärvus (škoovlâ njunoš, puárásub já nuorâb pargoskipáreh, uáppeehuolâttâspargoviehâ já eres škoovlâ pargoviehâ) muttum tuu pargosyergi ääigi? Nabai pargosiärvus jesânij koskâvuođah? Maht?
  • Maggaar lii máttáátteijeeviste merhâšume?
  • Lii-uv tuu škoovlâst oovtâstpargo eres škovlâiguin? Jis lii, te maggaar? Lah-uv jieš (lamaš) täst oovtâstpargoost fáárust?
  • Eres huámášittee škoovlâst já pargostâd máttáátteijen?

Uáppeeh

  • Maggaar lii uáppei já máttáátteijei koskâvuotâ? (om. Maht máttáátteijee sárnuttâlleh? Main aašijn máttáátteijein sárnuh?)
  • Maggaar koskâvuođâ uáppeeh aneh škoovlân, máttáátteijei já oppâmân? Láá-uv täst tábáhtum nubástusah tuu pargosyergi ääigi? (Om. kárvudâttâm, tiervâttem, tun-sääni kevttim sárnudijn, uáiváditteeh.)
  • Lii-uv škoovlâst uáppeekodde teikâ škovlârääđi?
  • Maht tun máttáátteijen uáináh uáppeekode, škovlârääđi já škovlâdemokratia?
  • Magareh láá koskâvuođah uáppei huolâtteijeid?
  • Eres?

Škoovlâ kielâ teikâ kielah já sämikulttuur

  • Mon kielâ teikâ maid kielâid tuu škoovlâst kevttih? Main tilálášvuođâin kevttih mon-uv kielâ?
  • Mon kielâ teikâ maid kielâid jieš kiävtáh uáppeiguin? (Máttááttâstiileest? Mudoi?)
  • Mon kielâ teikâ maid kielâid kiävtáh škoovlâ pargovieváin?
  • Mon kielâ teikâ maid kielâid kiävtáh kirjálávt pargostâd máttáátteijen?
  • Maid škoovlâst jurdeh sämikielâst? Lah-uv aiccâm nubâstus sämikielâ kiävtust teikâ jurdâččemvyevist toos tuu pargosyergi ääigi?
  • Máátáh-uv sämikielâ? Tarbâšah-uv sämikielâ tááiđu pargostâd? Jis máátáh sämikielâ, te lah-uv máttám tom jo párnážin vâi lah-uv máttááttâllâm tom rävisolmožin? Mättih-uv sämikielâ jo ovdil ko riemmih máttáátteijen vâi lah-uv máttááttâllâm sämikielâ ko lah lamaš pargoost?
  • Vaaikut-uv tot, ete škovlâ lii Sämikuávlust tuu paargon? Jis vaaikut, te maht?
  • Lii-uv sämikulttuur tuu mielâst uáinusist škoovlâ tooimâst? Jis lii, te maht? Láá-uv taan ääšist tábáhtum nubástusah tuu pargosyergi ääigi?
  • Maid škoovlâst jurdeh sämikulttuurist? Lii-uv jurdâččemvyevist tábáhtum nubástusâid tuu mielâst tuu pargosyergi ääigi? Eres huámášittee täst?
  • Eres huámášittee?

Jis lah jieš jottáám škovlâd Sämikuávlust, puávtáh-uv vala muštâččiđ jieijâd škovlâjotteem. Puávtáh västidiđ om. čuávuváid koččâmuššáid.

Škovlâ

  • Kost lah jottáám škoovlâ já kuás?
  • Magareh škovlârakânâs já škovlâvisteh lijjii?
  • Kiäh lijjii tuu máttáátteijeeh?
  • Mon kuhes škovlâihe lâi? Kuás škovlâihe aalgij já kuás tot nuuvâi? Kuás lijjii luámuh?
  • Magareh oppâamnâseh lijjii?
  • Magareh lijjii máttáátteijei já uáppei koskâvuođah om. Maht sárnuttâllii? Maht máttáátteijee kuáttá lättejii? Maht máttáátteijee sárnuttâlâi uáppeid teikâ lattij uáppei kuáttá?
  • Kuvvii tuu táválii škovlâpeeivi.
  • Maid poorgâid oppâtijmijn?
  • Maid poorgâid tijmekooskâin?
  • Magareh lijjii uáppei koskâvuođah škoovlâst?
  • Kuvvii škoovlâst oonnum juuhlijd teikâ škovlâääigi maađhijd?
  • Magareh njuolgâdusah škoovlâst lijjii? Mast škoovlâst palhâšii já maht? Muštáh-uv ráŋgáštâsâid? Magareh toh lijjii já mast taid finnejii?
  • Lâi-uv škoovlâst uáppeekodde? Uásálistih-uv ton tooimân? Maid tobbeen porgii?

Škoovlâ kielâ teikâ kielah

  • Mon kielâ teikâ maid kielâid máttáátteijein sáárnuid? Nabai škoovlâ eres pargovieváin? Lonottui-uv kielâ tilálâšvuođâ mield? Mättih-uv kielâ, mon škoovlâst kevttii jo ovdil škoovlâ älgim?
  • Mon kielâ sáárnuid eres uáppeiguin?
  • Nabai mon kielâsiih oppâkirjeh lijjii?

Škovlâmätki já asâttâh

  • Maggaar lâi tuu škovlâmätki? Maht lah jottáám tom? Mon távjá eellih pääihist?
  • Lah-uv aassâm asâttuvvâst tuu škovlâääigi?
  • Jis lah, te maid muštáh asâttâhääigist? Maggaar asâttâh lâi já maht lijkkojih tobbeen leđe?
  • Magareh lijjii asâttâhhoittájeijee/pargei já paarnij koskâvuođah? Nabai paarnij koskâvuođah asâttuvvâst?
  • Mon kielâ teikâ maid kielâid asâttuvvâst kevttii?

Pääihi já škoovlâ koskâvuotâ

  • Mon iäláttâs teikâ maid iäláttâsâid tuu pääihist hárjuttii? Maht škovlâjotteem já pääihi tooimah heivejii oohtân?
  • Magareh lijjii tuu vaanhimij já škoovlâ koskâvuođah?
  • Maid tuu vaanhimeh jurdii tuu škovlâjotemist?
  • Maid lah jieš jurdám tuu škovlâjotemist?
  • Moh láá tuu pyeremus já hyenemus muštoh škovlâääigist?
  • Finnejih-uv škoovlâst oopâid, moh láá tuu mielâst vaikuttâm tuu elimân teikâ lamaš ávháliih maŋeláá?
  • Eres huámášittee?

Čäällimravvuuh

 

 

Koččâmušah škoovlâ eres pargoviehân

Muštâl tuu pargoost škoovlâst. Puávtáh muštâliđ ovtâskâs aašijd, moh láá pááccám tuu mielân já moh láá lamaš tunjin merhâšitteeh. Puávtáh meid västidiđ tuu muuštâčmist čuávuváid koččâmuššáid.

Pargo škoovlâst

  • Maht karttih paargon škoovlân?
  • Maht karttih paargon tavas/Sämikuávlun? Lah-uv meddâl päikkikoddeest vâi lah-uv puáttám toho eres saajeest?
  • Mon škoovlâst lah pargoost?
  • Maggaar pargo poorgah škovlâsiärvusist?
  • Maggaar lii tuu táválâš pargopeivi?
  • Mii lii suottâsumos tuu pargoost škoovlâst?
  • Mii lii tuu pargoost hástulumos?
  • Magareh koskâvuođah tust já tuu pargoskipárijn láá škoovlâ njunošân?
  • Magareh láá koskâvuođah máttáátteijeid?
  • Magareh láá koskâvuođah uáppeid?
  • Maid uáppeeh jurdeh škoovlâst já ton pargovievâst? (Om. kárvudâttâm, tiervâttem, tun-sääni kevttim sárnuttâldijn, uáiváditteeh) Láá-uv tast tábáhtum nubástusah tuu pargosyergi ääigi?
  • Moh láá lamaš stuárráámusah nubástusah tuu pargosyergi ääigi?
    - Jis lah teivâm mottoom stuorrâ nubástus tego oppâlájádâs joskâm teikâ ovtâstittem, muštâl tuu vuáttámušâin.
    - Moh mustoid tust láá uđđâ piergâsij já tiätutekniik puátimist škoovlân?
  • Magareh láá tuu pyeremus já hyenemus muštoh pargosyergistâd škoovlâst?
  • Eres škoovlân já paargon lohtâseijee?

Škovlâ já sämmilâšvuotâ

  • Vaaikut-uv tot, ete škovlâ lii sämikuávlust mahtnii tuu paargon?
  • Uáinoo-uv sämikulttuur tuu pargoost já škoovlâst? Jis uáinoo, te maht?
  • Mon kielâ teikâ maid kielâid kiävtáh tuu pargoost škoovlâst? Kiävtáh-uv eres tilálâšvuođâin eres kielâid?
  • Máátáh-uv sämikielâ? Jis máátáh, te lah-uv oppâm tom jo párnážin vâi lah-uv máttááttâllâm tom maŋeláá? Määtih-uv sämikielâ jo ovdil pargoi algâttem? Tarbâšah-uv sämikielâ tááiđu pargostis?
  • Maid škoovlâst jurdeh sämikielâst já -kulttuurist? Lii-uv jurdâččemvyehi sämikulttuur teikâ sämikielâ kuáttá muttum škoovlâst mahtnii tuu pargosyergi ääigi?
  • Eres huámášittee?

Jis lah jieš jottáám škovlâd Sämikuávlust, puávtáh-uv vala muštâččiđ jieijâd škovlâjotteem. Puávtáh västidiđ om. čuávuváid koččâmuššáid. Puávtáh meid muštâliđ ovtâskâs aašijd, moh láá pááccám tuu mielân já moh láá lamaš tunjin merhâšitteeh.

Škovlâ

  • Kost lah jottáám škoovlâ já kuás?
  • Kiäh lijjii tuu máttáátteijeeh?
  • Mon kukke škovlâihe lâi? Kuás škovlâihe aalgij já kuás tot nuuvâi? Kuás lijjii luámuh?
  • Magareh oppâamnâseh lijjii?
  • Magareh lijjii máttáátteijei já uáppei koskâvuođah om. Maht sárnuttâllii? Maht máttáátteijee kuáttá lättejii?
  • Magareh škovlârakânâs já škovlâvisteh lijjii?
  • Kuvvii tuu táválii škovlâpeeivi.
  • Maid poorgâid tijmekooskâin?
  • Magareh lijjii uáppei koskâvuođah škoovlâst?
  • Kuvvii škoovlâst oonnum juuhlijd teikâ škovlâääigi maađhijd?
  • Magareh njuolgâdusah škoovlâst lijjii? Mast škoovlâst palhâšii já maht? Muštáh-uv ráŋgáštâsâid? Magareh toh lijjii já mast taid finnejii?

Škoovlâ kielâ teikâ kielah

  • Mon kielâ máttáátteijein sáárnuid? Nabai škoovlâ eres pargovieváin? Mättih-uv kielâ jo ovdil škoovlâ älgim?
  • Mon kielâ sáárnuid eres uáppeiguin?
  • Nabai mon kielâsiih oppâkirjeh lijjii?

Škovlâmätki já asâttâh

  • Maggaar lâi tuu škovlâmätki? Maht lah jottáám tom? Mon távjá eellih pääihist?
  • Lah-uv aassâm asâttuvvâst tuu škovlâääigi?
  • Jis lah, te maid muštáh asâttâhääigist? Maggaar asâttâh lâi já maht lijkkojih tobbeen leđe?
  • Magareh lijjii asâttâhhoittájeijee/pargei já párnái koskâvuođah? Nabai párnái koskâvuođah asâttuvvâst?
  • Mon kielâ teikâ maid kielâid asâttuvvâst kevttii?

Škovlâ já päikki

  • Mon iäláttâs teikâ maid iäláttâsâid tuu pääihist hárjuttii? Maht škovlâjotteem já pääihi tooimah heivejii oohtân?
  • Magareh lijjii tuu vaanhimij já škoovlâ koskâvuođah?
  • Maid tuu vaanhimeh jurdii tuu škovlâjotemist?
  • Maid lah jieš jurdám tuu škovlâjotemist?
  • Moh láá tuu pyeremus já hyenemus muštoh škovlâääigist?
  • Finnejih-uv škoovlâst oopâid, moh láá tuu mielâst vaikuttâm tuu elimân teikâ lamaš ávháliih maŋeláá?
  • Eres huámášittee?

 

 Škoovlâi koskâsiih čuoigâmkištoh Avelist 1954 (Kove:Sijdâ-museo)

 

Koččâmušâid huolâtteijei

Koččâmušah uáppeid

Koččâmušah máttáátteijei

Koččâmušah škoovlâ eres pargoviehân

Čäällimravvuuh

 

Inker-Anni Linkola +358 295 337 042,  šleđgâpostáin: inker-anni.linkola@narc.fi